تامر حسني يصالح بسمة.. “رغم أنك متهورة أنا أحبك”

أعلن الفنان تامر حسني عن صلحه مع زوجته المغربية بسمة بوسيل، وذلك بتوجيهه رسالة عتاب لها، بعد إعلانها عن انفصالهما وتقديم تفاصيل عن مشاكلهما الخاصة للجمهور.

وقال تامر في حسابه على إنستغرام عبر خاصية الستوري: “بسمة حبيبتي للأسف إنتي مفكرتيش كويس وسلمتي ودنك لشر السوشيال ميديا عشان كام تعليق كلامهم فارغ، نسوكي إنك عرفتيني وأنا مشهور ودي طبيعة شغلي اللي عرفتيني عليها وحبيتيني بيها، إزاي وصلوكي للزعل والبعد فترة؟ المهم أنا مش هزعل منك ولا يرضيني زعلك. إنتي حبيبتي وأم ولادي.. أنا ضهرك وسندك مهما حصل، بس اللي عايز أقوله لعل نكون سبب خير في توعية ناس كتير”.

وأضاف حسني :”ليه لما أي حد بيزعل من حد بيطلع يكتب عليه في السوشيال ميديا؟ طب حتي يكلمه الأول. إيه علاقة الناس بمشكلة شخصية بين اتنين ممكن تتحل بالتليفون أو في زيارة رحيمة ما بينهم ويا ريتها مشكلة أصلا.. ربنا جعل ما بينا مودة ورحمة عشان كدا للأسف إنتي عارفة إن في ناس في طبيعتهم حب خراب البيوت ومش هنخلص منهم بس إنتي اللي هتخلصي من فكرة إنك تسمعيهم، مع إنك مكنتيش كده”.

وتابع الفنان المصري :”يا ريتك تركزي مع طاقة الناس اللي دعولنا ودعوا لأولادنا بكل خير، وفعلا أنا بشكر كل الناس والفنانين اللى سعوا في الخير لينا، وأنا واثق إنك دلوقتي زعلانة إنك كتبتي كدا. هو تصرف متهور منك بس ولا يهمك، مش عيب إن الإنسان يغلط ويتعلم وأنا ياما علمتك ولسة هعلمك. كان نفسي الكلام ده يكون بينا لكن إنتي أشركتي الجمهور الكريم فكان لازم أرد هنا. بينا حب عالي وحياة كريمة وأولادنا وبيتنا أغلى ما فيها. ربنا يخلينا ليهم ويخليهم لينا يا رب.. متهورة بس بحبك”.

وكانت بسمة بوسيل قد أعلنت في وقت سابق عن انفصالها هي وتامر حسني منذ فترة و أنهم يستكملون أوراق الطلاق في الوقت الحالي وطلبت من الجميع احترام مشاعر كل طرف منهما.

اقرأ أيضا

الوسوم

أخبار ذات صلة :

زر الذهاب إلى الأعلى
إغلاق